دہائی ہے تری تو لے خبر او لا مکاں والے

دہائی ہے تری تو لے خبر او لا مکاں والے

چمن میں رو رہے ہیں آشیاں کو آشیاں والے

بھٹک سکتے نہیں اب کارواں سے کارواں والے

نشانی ہر قدم پر دیتے جاتے ہیں نشاں والے

قیامت ہے ہمارا گھر ہمارے ہی لئے زنداں

رہیں پابند ہو کر آشیاں میں آشیاں والے

مرے صیاد کا اللہ اکبر رعب کتنا ہے

قفس میں بھی زباں کو بند رکھتے ہیں زباں والے

یہی کمزوریاں اپنی رہیں تو اے قمرؔ اک دن

مکانوں میں بھی اپنے رہ نہیں سکتے مکاں والے

duhai hai tiri to le khabar o la makan wale

chaman mein ro rahe hain ashiyan ko ashiyan wale

bhatak sakte nahin ab karwan se karwan wale

nishani har qadam par dete jate hain nishan wale

qayamat hai hamara ghar hamare hi liye zindan

rahen paband ho kar ashiyan mein ashiyan wale

mire sayyad ka allah akbar rob kitna hai

qafas mein bhi zaban ko band rakhte hain zaban wale

yahi kamzoriyan apni rahen to ai qamar ik din

makanon mein bhi apne rah nahin sakte makan wale