اگر چھوٹا بھی اس سے آئنہ خانہ تو کیا ہوگا

اگر چھوٹا بھی اس سے آئنہ خانہ تو کیا ہوگا

وہ الجھے ہی رہیں گے زلف میں شانہ تو کیا ہوگا

بھلا اہل جنوں سے ترک ویرانہ تو کیا ہوگا

خبر آئے گی ان کی ان کا اب آنا تو کیا ہوگا

سنے جاؤ جہاں تک سن سکو جب نیند آئے گی

وہیں ہم چھوڑ دیں گے ختم افسانہ تو کیا ہوگا

اندھیری رات زنداں پاؤں میں زنجیر تنہائی

اس عالم میں مر جائے گا دیوانہ تو کیا ہوگا

ابھی تو مطمئن ہو ظلم کا پردہ ہے خاموشی

اگر کچھ منہ سے بول اٹھا یہ دیوانہ تو کیا ہوگا

جناب شیخ ہم تو رند ہیں چلو سلامت ہے

جو تم نے توڑ بھی ڈالا یہ پیمانہ تو کیا ہوگا

یہی ہے گر خوشی تو رات بھر گنتے رہو تارے

قمرؔ اس چاندنی میں ان کا اب آنا تو کیا ہوگا

agar chhota bhi us se aina khana to kya hoga

wo uljhe hi rahenge zulf mein shana to kya hoga

bhala ahl-e-junun se tark-e-wirana to kya hoga

khabar aegi un ki un ka ab ana to kya hoga

sune jao jahan tak sun sako jab nind aegi

wahin ham chhor denge khatm afsana to kya hoga

andheri rat zindan paon mein zanjir tanhai

is alam mein mar jaega diwana to kya hoga

abhi to mutmain ho zulm ka parda hai khamoshi

agar kuchh munh se bol utha ye diwana to kya hoga

janab-e-shaikh ham to rind hain chalo salamat hai

jo tum ne tor bhi dala ye paimana to kya hoga

yahi hai gar khushi to rat bhar ginte raho tare

qamar is chandni mein un ka ab ana to kya hoga