پیتے ہی سرخ آنکھیں ہیں مست شراب کی

پیتے ہی سرخ آنکھیں ہیں مست شراب کی

گرمی تو دیکھو ڈوبے ہوئے آفتاب کی

رخ سے جدا جو حشر میں تم نے نقاب کی

دنیا یہ تاب لائے گی دو آفتاب کی

ساقی یہ رقم سچ ہے جو مجھ پر حساب کی

بوتل پہ ہاتھ رکھ کے قسم کھا شراب کی

کیا کم تھا حسن باغ کہ اے باغبان حسن

اک شاخ تو نے اور لگا دی شباب کی

وہ تو رہا کلیم کے اصرار کا جواب

اور یہ جو تو نے طور کی مٹی خراب کی

موسیٰ کو اس نے سر پہ چڑھایا بھی تھا بہت

جلوے نے خوب طور کی مٹی خراب کی

پھیرو نہ آنکھیں تم مرے اشکوں کے جوش پر

طوفاں میں ڈوبتی نہیں کشتی حباب کی

اللہ اس کا کچھ بھی جوانی پہ حق نہیں

برسوں دعائیں مانگی ہیں جس نے شباب کی

رکھیے معاف شیخ جی مسجد میں ہجو مے

باتیں خدا کے گھر میں نہ کیجے شراب کی

باغ جہاں میں اور بھی تم سے تو ہیں مگر

ہر پھول میں نہیں ہے نزاکت گلاب کی

جب سے گئے ہیں دیکھ کے تارے وہ اے قمرؔ

صورت بدل گئی ہے شب ماہتاب کی

pite hi surkh ankhen hain mast-e-sharab ki

garmi to dekho dube hue aftab ki

rukh se juda jo hashr mein tum ne naqab ki

duniya ye tab laegi do aftab ki

saqi ye raqam sach hai jo mujh par hisab ki

botal pe hath rakh ke qasam kha sharab ki

kya kam tha husn bagh ke ai baghban-e-husn

ik shakh tu ne aur laga di shabab ki

wo to raha kalim ke israr ka jawab

aur ye jo tu ne tur ki mitti kharab ki

musa ko us ne sar pe charhaya bhi tha bahut

jalwe ne khub tur ki mitti kharab ki

phero na ankhen tum mire ashkon ke josh par

tufan mein dubti nahin kashti habab ki

allah us ka kuchh bhi jawani pe haq nahin

barson duaen mangi hain jis ne shabab ki

rakhiye muaf shaikh ji masjid mein hajw-e-mai

baten khuda ke ghar mein na kije sharab ki

bagh-e-jahan mein aur bhi tum se to hain magar

har phul mein nahin hai nazakat gulab ki

jab se gae hain dekh ke tare wo ai qamar

surat badal gai hai shab-e-mahtab ki