کرتے بھی کیا حضور نہ جب اپنے گھر ملے

کرتے بھی کیا حضور نہ جب اپنے گھر ملے

دشمن سے ہم کبھی نہ ملے تھے مگر ملے

بلبل پہ ایسی برق گری آندھیوں کے ساتھ

گھر کا پتہ چلا نہ کہیں بال و پر ملے

ان سے ہمیں نگاہ کرم کی امید کیا

آنکھیں نکال لیں جو نظر سے نظر ملے

وعدہ غلط پتے بھی بتائے ہوئے غلط

تم اپنے گھر ملے نہ رقیبوں کے گھر ملے

افسوس ہے یہی مجھے فصل بہار میں

میرا چمن ہو اور مجھی کو نہ گھر ملے

چاروں طرف ہے شمع محبت کی روشنی

پروانے ڈھونڈ ڈھونڈ کے لائی جدھر ملے

karte bhi kya huzur na jab apne ghar mile

dushman se ham kabhi na mile the magar mile

bulbul pe aisi barq giri andhiyon ke sath

ghar ka pata chala na kahin bal-o-par mile

un se hamen nigah-e-karam ki umid kya

ankhen nikal len jo nazar se nazar mile

waada ghalat patte bhi batae hue ghalat

tum apne ghar mile na raqibon ke ghar mile

afsos hai yahi mujhe fasl-e-bahar mein

mera chaman ho aur mujhi ko na ghar mile

charon taraf hai shama mohabbat ki raushni

parwane dhund dhund ke lai jidhar mile