بجز تمہارے کسی سے کوئی سوال نہیں

بجز تمہارے کسی سے کوئی سوال نہیں

کہ جیسے سارے زمانے سے بول چال نہیں

یہ سوچتا ہوں کہ تو کیوں نظر نہیں آتا

مری نگاہ نہیں یا ترا جمال نہیں

تجاہل اپنی جفاؤں پہ اور محشر میں

خدا کے سامنے کہتے ہو تم خیال نہیں

یہ کہہ کے جلوے سے بے ہوش ہو گئے موسیٰ

نگاہ اس سے ملاؤں مری مجال نہیں

میں ہر بہار گلستاں پہ غور کرتا ہوں

جلا نہ ہو مرا گھر ایسا کوئی سال نہیں

خطا معاف کہ سرکار منہ پہ کہتا ہوں

بغیر آئینہ کہہ لو مری مثال نہیں

میں چاندنی میں بلاتا تو ہوں وہ کہہ دیں گے

قمرؔ تمہیں مری رسوائی کا خیال نہیں

bajuz tumhare kisi se koi sawal nahin

ke jaise sare zamane se bol chal nahin

ye sochta hun ke tu kyun nazar nahin ata

miri nigah nahin ya tira jamal nahin

tajahul apni jafaon pe aur mahshar mein

khuda ke samne kahte ho tum khayal nahin

ye kah ke jalwe se be hosh ho gae musa

nigah us se milaun miri majal nahin

main har bahar-e-gulistan pe ghaur karta hun

jala na ho mira ghar aisa koi sal nahin

khata muaf ke sarkar munh pe kahta hun

baghair aina kah lo miri misal nahin

main chandni mein bulata to hun wo kah denge

qamar tumhen miri ruswai ka khayal nahin