چھوڑ کر گھر بار اپنا حسرت دیدار میں

چھوڑ کر گھر بار اپنا حسرت دیدار میں

اک تماشہ بن کے آ بیٹھا ہوں کوئے یار میں

دم نکل جائے گا حسرت سے نہ دیکھ اے ناخدا

اب مری قسمت پہ کشتی چھوڑ دے منجدھار میں

دیکھ بھی آ بات کہنے کے لئے ہو جائے گی

صرف گنتی کی ہیں سانسیں اب ترے بیمار میں

فصل گل میں کس قدر منحوس ہے رونا مرا

میں نے جب نالے کئے بجلی گری گل زار میں

جل گیا میرا نشیمن یہ تو میں نے سن لیا

باغباں تو خیریت سے ہے صبا گل زار میں

chhor kar ghar bar apna hasrat-e-didar mein

ik tamasha ban ke a baitha hun ku-e-yar mein

dam nikal jaega hasrat se na dekh ai nakhuda

ab miri qismat pe kashti chhor de manjdhar mein

dekh bhi a bat kahne ke liye ho jaegi

sirf ginti ki hain sansen ab tire bimar mein

fasl-e-gul mein kis qadar manhus hai rona mira

main ne jab nale kiye bijli giri gul zar mein

jal gaya mera nasheman ye to main ne sun liya

baghban to khairiyat se hai saba gul zar mein