یہ رستے میں کس سے ملاقات کر لی

یہ رستے میں کس سے ملاقات کر لی

کہاں رہ گئے تھے بڑی رات کر لی

شب غم کبھی در کو اٹھ اٹھ کے دیکھا

کبھی ان کی تصویر سے بات کر لی

ہم اہل جنوں کا ٹھکانا نہ پوچھو

کہیں دن نکالا کہیں رات کر لی

چلے آئے موسیٰ کو جلوہ دکھانے

قیامت سے پہلے ملاقات کر لی

قمرؔ اپنے گھر ان کو مہماں بلا کر

بلا چاند کے چاندنی رات کر لی

ye raste mein kis se mulaqat kar li

kahan rah gae the bari rat kar li

shab-e-gham kabhi dar ko uth uth ke dekha

kabhi un ki taswir se bat kar li

ham ahl-e-junun ka thikana na puchho

kahin din nikala kahin rat kar li

chale ae musa ko jalwa dikhane

qayamat se pahle mulaqat kar li

qamar apne ghar un ko mehman bala kar

bala chand ke chandni rat kar li