کبھی کہا نہ کسی سے ترے فسانے کو

کبھی کہا نہ کسی سے ترے فسانے کو

نہ جانے کیسے خبر ہو گئی زمانے کو

دعا بہار کی مانگی تو اتنے پھول کھلے

کہیں جگہ نہ رہی میرے آشیانے کو

مری لحد پہ پتنگوں کا خون ہوتا ہے

حضور شمع نہ لایا کریں جلانے کو

سنا ہے غیر کی محفل میں تم نہ جاؤ گے

کہو تو آج سجا لوں غریب خانے کو

دبا کے قبر میں سب چل دیئے دعا نہ سلام

ذرا سی دیر میں کیا ہو گیا زمانے کو

اب آگے اس میں تمہارا بھی نام آئے گا

جو حکم ہو تو یہیں چھوڑ دوں فسانے کو

قمرؔ ذرا بھی نہیں تم کو خوف رسوائی

چلے ہو چاندنی شب میں انہیں بلانے کو

kabhi kaha na kisi se tire fasane ko

na jane kaise khabar ho gai zamane ko

dua bahar ki mangi to itne phul khule

kahin jagah na rahi mere ashiyane ko

miri lahad pe patangon ka khun hota hai

huzur-e-shama na laya karen jalane ko

suna hai ghair ki mahfil mein tum na jaoge

kaho to aj saja lun gharib khane ko

daba ke qabr mein sab chal diye dua na salam

zara si der mein kya ho gaya zamane ko

ab age is mein tumhara bhi nam aega

jo hukm ho to yahin chhor dun fasane ko

qamar zara bhi nahin tum ko khauf-e-ruswai

chale ho chandni shab mein unhen bulane ko