اسی جنت جہنم میں مروں گا

اسی جنت جہنم میں مروں گا

گئے موسم کو آوازیں نہ دوں گا

نئے جسموں سے مقتل جاگتے ہیں

نئے لوگوں کے رستے پر چلوں گا

مری آنکھیں سلامت ہیں تو پھر میں

پرائے خواب لے کر کیا کروں گا

لہو کی سرخیاں میرے علم ہیں

خزاں کے زرد لشکر سے لڑوں گا

کسی خطے میں قتل روشنی ہو

میں اپنے شہر پر نوحہ کہوں گا

اور اس پر جو ستم ٹوٹے گا اس کو

تمہارے نام لکھوں گا سہوں گا

isi jannat jahannam mein marunga

gae mausam ko awazen na dunga

nae jismon se maqtal jagte hain

nae logon ke raste par chalunga

miri ankhen salamat hain to phir main

parae khwab le kar kya karunga

lahu ki surkhiyan mere alam hain

khizan ke zard lashkar se larunga

kisi khitte mein qatl-e-raushni ho

main apne shahr par nauha kahunga

aur us par jo sitam tutega us ko

tumhare nam likhunga sahunga