وہ اور ہیں جنہیں احساس تیرگی ہے بہت

وہ اور ہیں جنہیں احساس تیرگی ہے بہت

یہاں تو ٹوٹتے لمحوں کی روشنی ہے بہت

ہمیں بھی کر دیا شامل انہیں میں لوگوں نے

کہ جن کی فکر و نظر میں شکستگی ہے بہت

کہاں چلے گئے جاں داد گان شوق و وفا

ہمارے ہوتے ہوئے بھی یہاں کمی ہے بہت

وہ اک خلش جو تری یاد سے قریب بھی ہے

تمام عمر کو میرے لئے وہی ہے بہت

ذرا سی دیر ہی مل کر بچھڑنے والوں کو

خیال ذات ہے کم پاس تشنگی ہے بہت

تجھے خبر بھی ہے راتوں کو جاگنے والے

مزاج میری بھی آنکھوں کا شبنمی ہے بہت

اسی سبب سے میں اکثر ادھر نہیں جاتا

تمہارے بارے میں اک راہ پوچھتی ہے بہت

میں اپنے پیرہن تار تار کے قرباں

کہ سنگ و خشت کی بارش میں تو یہی ہے بہت

ربابؔ خود کو ہی فکر و نظر میں رکھتے ہوئے

یہاں سے گزرو کہ ہر سمت بے رخی ہے بہت

wo aur hain jinhen ehsas-e-tirgi hai bahut

yahan to tutte lamhon ki raushni hai bahut

hamen bhi kar diya shamil unhen mein logon ne

ke jin ki fikr-o-nazar mein shikastagi hai bahut

kahan chale gae jan dad gan-e-shauq-o-wafa

hamare hote hue bhi yahan kami hai bahut

wo ik khalish jo tiri yad se qarib bhi hai

tamam umr ko mere liye wahi hai bahut

zara si der hi mil kar bichharne walon ko

khayal zat hai kam pas tishnagi hai bahut

tujhe khabar bhi hai raton ko jagne wale

mizaj meri bhi ankhon ka shabnami hai bahut

isi sabab se main aksar idhar nahin jata

tumhare bare mein ik rah puchhti hai bahut

main apne pairahan-e-tar tar ke qurban

ke sang-o-khisht ki barish mein to yahi hai bahut

rabab khud ko hi fikr-o-nazar mein rakhte hue

yahan se guzro ke har samt be rukhi hai bahut