تیز ہوائیں ہیں غم کی

تیز ہوائیں ہیں غم کی

خیر مناؤ موسم کی

جب ہم نے کچھ غور کیا

دل میں ایک کرن چمکی

آج بھی ہے اپنی ہی جگہ

بات حیات برہم کی

پائیں بھی تو کیا تعبیر

ہم اک خواب مبہم کی

پھول سے ہنستے چہرے ہیں

رونق باغ عالم کی

تم بھی وہی ہو ہم بھی وہی

کوشش سب نے پیہم کی

ذوق سفر ہے حسن نظر

کچھ بھی کہو پیچ و خم کی

کیسے ہو حساس ربابؔ

اب کیا صورت ہے غم کی

tez hawaen hain gham ki

khair manao mausam ki

jab ham ne kuchh ghaur kiya

dil mein ek kiran chamki

aj bhi hai apni hi jagah

bat hayat barham ki

paen bhi to kya taabir

ham ik khwab mubham ki

phul se hanste chehre hain

raunaq bagh alam ki

tum bhi wahi ho ham bhi wahi

koshish sab ne paiham ki

zauq-e-safar hai husn-e-nazar

kuchh bhi kaho pech-o-kham ki

kaise ho hassas rabab

ab kiya surat hai gham ki