جب بھی گزرے ہوئے لمحات کو دہراتے ہیں

جب بھی گزرے ہوئے لمحات کو دہراتے ہیں

ہم خود اپنے ہی خیالوں میں الجھ جاتے ہیں

بھیڑ اتنی ہے کہ نظریں نہیں جمنے پاتیں

اور منظر ہیں کہ تیزی سے بدل جاتے ہیں

کچھ دنوں سے جو یہ چاہا ہے کہ منزل نہ ملے

میری سمت آتے ہوئے حادثے کتراتے ہیں

اس روایت سے بہت جی کا زیاں ہوتا ہے

اب تو ہم پرسش احوال سے گھبراتے ہیں

خود سے اکتائے ہوئے بزم سے کترائے ہوئے

اب مرے ساتھ کئی لوگ نظر آتے ہیں

جو بھی رکھتے ہیں یہاں قوت اظہار نمو

بیج وہ سخت چٹانوں پہ بھی جم جاتے ہیں

کبھی تنہا نہیں آتے ہیں پرانے لمحے

کتنے ہی پھولوں کی ہمراہ مہک لاتے ہیں

jab bhi guzre hue lamhat ko dohrate hain

ham khud apne hi khayalon mein ulajh jate hain

bhir itni hai ke nazren nahin jamne paten

aur manzar hain ke tezi se badal jate hain

kuchh dinon se jo ye chaha hai ke manzil na mile

meri samt ate hue hadse katrate hain

is riwayat se bahut ji ka ziyan hota hai

ab to ham pursish-e-ahwal se ghabrate hain

khud se uktae hue bazm se katrae hue

ab mire sath kai log nazar ate hain

jo bhi rakhte hain yahan quwwat-e-izhar-e-numu

bij wo sakht chatanon pe bhi jam jate hain

kabhi tanha nahin ate hain purane lamhe

kitne hi phulon ki hamrah mahak late hain