Arooz is now on the App Store, for iPhone and iPad. Download →

All poetry

محمل ہے مطلوب نہ لیلیٰ مانگتا ہے

Ejaz Gul

محمل ہے مطلوب نہ لیلیٰ مانگتا ہے

چاک گریباں قیس تو صحرا مانگتا ہے

ہجر سر ویرانۂ جاں بھی مہر بلب

وصل گلی کوچوں میں چرچا مانگتا ہے

اس آئینہ خانے کا ہر رقص کناں

اپنے سامنے اپنا تماشا مانگتا ہے

ناامیدی لاکھ قفس ایجاد کرے

طائر دل پرواز تمنا مانگتا ہے

عمر بتاتا ہے امروز میں اور مکیں

دروازے پر دستک فردا مانگتا ہے

دھوپ جوانی کا یارانہ اپنی جگہ

تھک جاتا ہے جسم تو سایہ مانگتا ہے

باندھ سگ آوارہ چوکھٹ کے اندر

ایک مسافر تجھ سے رستا مانگتا ہے

لوگ طوالت سے گھبراتے ہیں ورنہ

ایک زمانہ سیدھا رستا مانگتا ہے