دھوپ رخصت ہوئی شام آئی ستارا چمکا

دھوپ رخصت ہوئی شام آئی ستارا چمکا

گرد جب بیٹھ گئی نام تمہارا چمکا

ہر طرف پانی ہی پانی نظر آتا تھا مجھے

تم نے جب مجھ کو پکارا تو کنارا چمکا

مسکراتی ہوئی آنکھوں سے ملا اذن سفر

شہر سے دور نہ جانے کا اشارا چمکا

ایک تحریر کہ جو صاف پڑھی بھی نہ گئی

مگر اک رنگ مرے رخ پہ دوبارا چمکا

آج اک خواب نے پھر ذہن میں انگڑائی لی

اور طوفان میں تنکے کا سہارا چمکا

سازگار آنے لگی تھی ہمیں خلوت لیکن

جی میں کیا آئی کہ پھر ذوق نظارا چمکا

جھلملانے لگیں محفل میں چراغوں کی لویں

رخصت اے ہم نفسو صبح کا تارا چمکا

dhup rukhsat hui sham ai sitara chamka

gard jab baith gai nam tumhara chamka

har taraf pani hi pani nazar ata tha mujhe

tum ne jab mujh ko pukara to kinara chamka

muskurati hui ankhon se mila izn-e-safar

shahr se dur na jane ka ishara chamka

ek tahrir ke jo saf parhi bhi na gai

magar ik rang mire rukh pe dobara chamka

aj ik khwab ne phir zehn mein angrai li

aur tufan mein tinke ka sahara chamka

sazgar ane lagi thi hamen khalwat lekin

ji mein kya ai ke phir zauq-e-nazara chamka

jhilmilane lagen mahfil mein charaghon ki lawen

rukhsat ai ham nafaso subh ka tara chamka