کبھی بہار بنے اور سنور گئے ہم لوگ

کبھی بہار بنے اور سنور گئے ہم لوگ

کبھی غبار کی صورت بکھر گئے ہم لوگ

کبھی حیات کے خورشید ماہتاب ہوئے

کبھی حیات کو تاریک کر گئے ہم لوگ

کبھی ہجوم حوادث سے بے خطر گزرے

کبھی ہواؤں کے جھونکوں سے ڈر گئے ہم لوگ

کبھی چراغ جلائے چمک اٹھیں راہیں

کبھی اندھیروں ہی میں اپنے گھر گئے ہم لوگ

کبھی مذاق تجسس نے رہنمائی کی

کبھی خود آپ سے بھی بے خبر گئے ہم لوگ

کبھی ملی بھی جو منزل تو بڑھ گئے آگے

کبھی نقوش قدم پر بکھر گئے ہم لوگ

کبھی گلابوں کی مانند کھل اٹھے کیا کیا

کبھی اسی جگہ با چشم تر گئے ہم لوگ

وہ اڑ رہی ہے نئے قافلوں کی گرد ربابؔ

وہ آ گئے نئے اہل سفر گئے ہم لوگ

kabhi bahar bane aur sanwar gae ham log

kabhi ghubar ki surat bikhar gae ham log

kabhi hayat ke khurshid mahtab hue

kabhi hayat ko tarik kar gae ham log

kabhi hujum-e-hawadis se be khatar guzre

kabhi hawaon ke jhonkon se dar gae ham log

kabhi charagh jalae chamak uthen rahen

kabhi andheron hi main apne ghar gae ham log

kabhi mazaq-e-tajassus ne rahnumai ki

kabhi khud ap se bhi be khabar gae ham log

kabhi mili bhi jo manzil to barh gae age

kabhi nuqush-e-qadam par bikhar gae ham log

kabhi gulabon ki manind khul uthe kya kiya

kabhi isi jagah ba chashm tar gae ham log

wo ur rahi hai nae qafilon ki gard rabab

wo a gae nae ahl-e-safar gae ham log