جنون و شوق کا یہ سلسلہ چلے نہ چلے

جنون و شوق کا یہ سلسلہ چلے نہ چلے

ہمارے بعد ہماری نوا چلے نہ چلے

ہمارے عشق میں پھر حوصلہ رہے نہ رہے

پھر اتنے جوش میں موج بلا چلے نہ چلے

تمہاری یاد سے خوشبو اٹھے گی ہر پہلو

چراغ جلتا رہے گا ہوا چلے نہ چلے

گماں بھی گزرا جو دل میں تو ڈر سا لگتا ہے

ستم کے دور میں رسم وفا چلے نہ چلے

رہے گا ساتھ میں سایہ قدم قدم چاہے

ہمارے ساتھ کوئی آشنا چلے نہ چلے

جھکی نگاہ کا جادو تو چل ہی جائے گا

رفیقؔ آپ کا شکوہ گلہ چلے نہ چلے

junun-o-shauq ka ye silsila chale na chale

hamare baad hamari nawa chale na chale

hamare ishq mein phir hausla rahe na rahe

phir itne josh mein mauj-e-bala chale na chale

tumhari yad se khushbu uthegi har pahlu

charagh jalta rahega hawa chale na chale

guman bhi guzra jo dil mein to dar sa lagta hai

sitam ke daur mein rasm-e-wafa chale na chale

rahega sath mein saya qadam qadam chahe

hamare sath koi ashna chale na chale

jhuki nigah ka jadu to chal hi jaega

rafiq ap ka shikwa gila chale na chale