خوگر حمد و ثنا قالب انسان میں آ

خوگر حمد و ثنا قالب انسان میں آ

منہ چھپائے گا تو کب تک میری پہچان میں آ

پیکر حسن کبھی بازوئے میزان میں آ

اے پری وش تو کبھی میرے گلستان میں آ

رب سامان کبھی محفل سامان میں آ

لا مکاں باش کبھی عالم امکان میں آ

ابر رحمت مرے جلتے ہوئے ایوان میں آ

اے چمن زار سراپا دل ویران میں آ

طور پر دیکھنا تجھ کو تو بہت مشکل ہے

مصلحت یہ ہے کہ اب صورت آسان میں آ

دور سے شورش طوفاں کا مزہ لیتا ہے

سنگ ساحل تو کبھی شورش طوفان میں آ

یار کے دل میں اترنا تو ہے آسان رفیقؔ

بات تو جب ہے کہ تو سینۂ انجان میں آ

khugar-e-hamd-o-sana qalib-e-insan mein a

munh chhupaega to kab tak meri pahchan mein a

paikar-e-husn kabhi bazu-e-mizan mein a

ai pari wash to kabhi mere gulistan mein a

rab-e-saman kabhi mahfil-e-saman mein a

la makan bash kabhi alam-e-imkan mein a

abr-e-rahmat mire jalte hue aiwan mein a

ai chaman zar sarapa dil-e-wiran mein a

tur par dekhna tujh ko to bahut mushkil hai

maslahat ye hai ke ab surat-e-asan mein a

dur se shorish-e-tufan ka maza leta hai

sang-e-sahil to kabhi shorish-e-tufan mein a

yar ke dil mein utarna to hai asan rafiq

bat to jab hai ke tu sina-e-anjan mein a