مانگی ہے جان آپ نے ایمان لیجئے

مانگی ہے جان آپ نے ایمان لیجئے

اب تو خدا کے واسطے پہچان لیجئے

دار و رسن کا کس لئے احسان لیجئے

لطف و کرم سے آپ مری جان لیجئے

مایوسیوں سے فرحت ارمان لیجئے

مجبوریوں سے صورت امکان لیجئے

مجھ کو نجات دیجئے میری تڑپ سے آپ

لیکن تڑپ حیات ہے یہ جان لیجئے

آواز ہے جرس کی یہ کوئی غزل نہیں

میری فغاں ہے دور سے پہچان لیجئے

دیکھیں رفیقؔ دام سے بچتا ہے کس طرح

شاہیں اسیر کرنا ہے یہ ٹھان لیجئے

mangi hai jan ap ne iman lijiye

ab to khuda ke waste pahchan lijiye

dar-o-rasan ka kis liye ehsan lijiye

lutf-o-karam se ap miri jan lijiye

mayusiyon se farhat-e-arman lijiye

majburiyon se surat-e-imkan lijiye

mujh ko najat dijiye meri tarap se ap

lekin tarap hayat hai ye jan lijiye

awaz hai jaras ki ye koi ghazal nahin

meri fughan hai dur se pahchan lijiye

dekhen rafiq-e-dam se bachta hai kis tarah

shahin asir karna hai ye than lijiye