رہین عقل کو صحرا میں رہ گزر نہ ملی

رہین عقل کو صحرا میں رہ گزر نہ ملی

اماں جنوں کو تہ سایۂ شجر نہ ملی

لئے غموں کو بڑھی جا رہی ہے ظلمت میں

کہاں رکے گی شب ہجر گر سحر نہ ملی

نظر جھکا کے جو دیکھا ہے دل کا آئینہ

خود اپنے آپ سے اکثر مری نظر نہ ملی

ہزار موتی پٹکتی ہے موج ساحل پر

گہر کی آبرو اس کو کبھی مگر نہ ملی

نگاہ قیس نے لیلیٰ میں پا لیا جلوہ

رفیقؔ کو رخ تاباں میں بھی سحر نہ ملی

rahin-e-aql ko sahra mein rah guzar na mili

aman junun ko tah-e-saya-e-shajar na mili

liye ghamon ko barhi ja rahi hai zulmat mein

kahan rukegi shab-e-hijr gar sahar na mili

nazar jhuka ke jo dekha hai dil ka aina

khud apne ap se aksar miri nazar na mili

hazar moti patakti hai mauj-e-sahil par

guhar ki abru us ko kabhi magar na mili

nigah qais ne laila mein pa liya jalwa

rafiq ko rukh-e-taban mein bhi sahar na mili