یہی اک بات ساقی کو بتانے کی ضرورت ہے

یہی اک بات ساقی کو بتانے کی ضرورت ہے

ہمارے قرب میں اک بادہ خانے کی ضرورت ہے

کہاں جائیں ترے مستانے اے ساقی کہاں جائیں

ترے ہی سائے میں مستوں کو آنے کی ضرورت ہے

خدا کے سامنے سر کو اٹھانے سے ہے کیا حاصل

خدا کے سامنے سر کو جھکانے کی ضرورت ہے

گھٹائیں گھر کے آئی ہیں سر مے خانہ اے ساقی

ہمیں اب جام بھر بھر کر پلانے کی ضرورت ہے

جو ہیں مارے ہوئے رنج و غم و آلام کے اے رازؔ

انہیں مے خانے میں اک جام اٹھانے کی ضرورت ہے

yahi ik bat saqi ko batane ki zarurat hai

hamare qurb mein ik bada khane ki zarurat hai

kahan jaen tire mastane ai saqi kahan jaen

tire hi sae mein maston ko ane ki zarurat hai

khuda ke samne sar ko uthane se hai kya hasil

khuda ke samne sar ko jhukane ki zarurat hai

ghataen ghar ke ai hain sar-e-mai khana ai saqi

hamen ab jam bhar bhar kar pilane ki zarurat hai

jo hain mare hue ranj-o-gham-o-alam ke ai raz

unhen mai khane mein ik jam uthane ki zarurat hai