اس در کی سی راحت بھی دو عالم میں کہیں ہے

اس در کی سی راحت بھی دو عالم میں کہیں ہے

جینا بھی یہیں ہے مجھے مرنا بھی یہیں ہے

اب واقف مفہوم وفا قلب حزیں ہے

اب آپ کی بیداد بھی بیداد نہیں ہے

تم اور مری خانہ خرابی پہ تبسم

امید سے بڑھ کر ابھی قدر دل و دیں ہے

یا تیرے سوا حسن ہی دنیا میں نہیں تھا

یا دیکھ رہا ہوں کہ جو منظر ہے حسیں ہے

یہ زیست ہے یا موت سمجھ میں نہیں آتا

اب درد ہے اور درد کی تکلیف نہیں ہے

us dar ki si rahat bhi do alam mein kahin hai

jina bhi yahin hai mujhe marna bhi yahin hai

ab waqif mafhum-e-wafa qalb-e-hazin hai

ab ap ki bedad bhi bedad nahin hai

tum aur miri khana kharabi pe tabassum

ummid se barh kar abhi qadar-e-dil-o-din hai

ya tere siwa husn hi duniya mein nahin tha

ya dekh raha hun ke jo manzar hai hasin hai

ye zist hai ya maut samajh mein nahin ata

ab dard hai aur dard ki taklif nahin hai