ہجوم گردش دوراں ہے کیا غزل کہیے

ہجوم گردش دوراں ہے کیا غزل کہیے

دل و دماغ پریشاں ہے کیا غزل کہیے

یہ کس نے آگ لگا دی گلوں کے دامن میں

دھواں دھواں سا گلستاں ہے کیا غزل کہیے

جلائے جاتے ہیں اب گھر میں آنسوؤں کے چراغ

عجیب جشن چراغاں ہے کیا غزل کہیے

یہ سیٹیوں کی صدا رات کا یہ سناٹا

سکوت شہر خموشاں ہے کیا غزل کہیے

گھرا ہوا ہے چمن نرغۂ سیاست میں

بہار شعلۂ بہ داماں ہے کیا غزل کہیے

جو رازؔ ملک میں امن و اماں کی بات کرے

اب اس کے واسطے زنداں ہے کیا غزل کہیے

hujum-e-gardish-e-dauran hai kya ghazal kahiye

dil-o-dimagh pareshan hai kya ghazal kahiye

ye kis ne ag laga di gulon ke daman mein

dhuan dhuan sa gulistan hai kya ghazal kahiye

jalae jate hain ab ghar mein ansuon ke charagh

ajib jashn-e-charaghan hai kya ghazal kahiye

ye sitiyon ki sada rat ka ye sannata

sukut-e-shahr-e-khamoshan hai kya ghazal kahiye

ghira hua hai chaman nargha-e-siyasat mein

bahar-e-shola-e-ba daman hai kya ghazal kahiye

jo raz mulk mein amn-o-aman ki bat kare

ab us ke waste zindan hai kya ghazal kahiye