یہی وفا کا صلہ ہے تو کوئی بات نہیں

یہی وفا کا صلہ ہے تو کوئی بات نہیں

یہ درد تم نے دیا ہے تو کوئی بات نہیں

یہی بہت ہے کہ تم دیکھتے ہو ساحل سے

سفینہ ڈوب رہا ہے تو کوئی بات نہیں

یہ فکر ہے کہیں تم بھی نہ ساتھ چھوڑ چلو

جہاں نے چھوڑ دیا ہے تو کوئی بات نہیں

تمہی نے آئنۂ دل مرا بنایا تھا

تمہی نے توڑ دیا ہے تو کوئی بات نہیں

کسے مجال کہے کوئی مجھ کو دیوانہ

اگر یہ تم نے کہا ہے تو کوئی بات نہیں

yahi wafa ka sila hai to koi bat nahin

ye dard tum ne diya hai to koi bat nahin

yahi bahut hai ke tum dekhte ho sahil se

safina dub raha hai to koi bat nahin

ye fikr hai kahin tum bhi na sath chhor chalo

jahan ne chhor diya hai to koi bat nahin

tumhi ne aina-e-dil mira banaya tha

tumhi ne tor diya hai to koi bat nahin

kise majal kahe koi mujh ko diwana

agar ye tum ne kaha hai to koi bat nahin