کبھی وہ خود سے بھی برہم دکھائی دیتا ہے

کبھی وہ خود سے بھی برہم دکھائی دیتا ہے

کبھی وہ لطف مجسم دکھائی دیتا ہے

زمانہ ہوتا ہے مجبور رخ بدلنے پر

کسی کا عزم جو محکم دکھائی دیتا ہے

عروس دہر کی رنگینیٔ جمال میں اب

ترے شباب کا عالم دکھائی دیتا ہے

تلاش دوست مسافت ہے ایک لا محدود

کہ جس قدر بھی چلیں کم دکھائی دیتا ہے

kabhi wo khud se bhi barham dikhai deta hai

kabhi wo lutf-e-mujassam dikhai deta hai

zamana hota hai majbur rukh badalne par

kisi ka azm jo mohkam dikhai deta hai

urus-e-dahr ki rangini-e-jamal mein ab

tire shabab ka alam dikhai deta hai

talash-e-dost masafat hai ek la mahdud

ke jis qadar bhi chalen kam dikhai deta hai