کسی خیال میں کھونے کی جستجو تو کرو

کسی خیال میں کھونے کی جستجو تو کرو

کسی سے ملنے کی پہلے کچھ آرزو تو کرو

حریف کس لئے خائف ہیں کیوں وہ بد ظن ہیں

انہیں بلاؤ کبھی ان سے گفتگو تو کرو

رہیں گے راہ میں سنگ گراں نہ دیواریں

عمل کے جذبہ کو تھوڑا سا جنگجو تو کرو

حیات دھوپ بھی ہے بادلوں کا سایہ بھی

وہ کوئی حال ہو جینے کی آرزو تو کرو

خزاں کا دور خزاں دیدہ کیوں بناتے ہو

تم ایسے دور میں کچھ ذکر رنگ و بو تو کرو

تمہاری ذات کے بھی تم سے کچھ تقاضے ہیں

ہوا ہے چاک جو دامن اسے رفو تو کرو

کچھ اور وسعت قلب و نظر ضروری ہے

کچھ اور غم بھی ابھی دل کے روبرو تو کرو

نہ کام آئے تو بہتر ہے جذبۂ نفرت

جو کام لینا ہے جذبہ کو نیک خو تو کرو

kisi khayal mein khone ki justuju to karo

kisi se milne ki pahle kuchh arzu to karo

harif kis liye khaif hain kyun wo bad zan hain

unhen bulao kabhi un se guftugu to karo

rahenge rah mein sang-e-giran na diwaren

amal ke jazba ko thora sa jangju to karo

hayat dhup bhi hai badalon ka saya bhi

wo koi hal ho jine ki arzu to karo

khizan ka daur-e-khizan dida kyun banate ho

tum aise daur mein kuchh zikr rang-o-bu to karo

tumhari zat ke bhi tum se kuchh taqaze hain

hua hai chak jo daman use rafu to karo

kuchh aur wusat-e-qalb-o-nazar zaruri hai

kuchh aur gham bhi abhi dil ke rubaru to karo

na kam ae to behtar hai jazba-e-nafrat

jo kam lena hai jazba ko nek khu to karo