وہ گل وہ خوابشار بھی نہیں رہا

وہ گل وہ خوابشار بھی نہیں رہا

سو دل یہ خاکسار بھی نہیں رہا

یہ دل تو اس کے نام کا پڑاؤ ہے

جہاں وہ ایک بار بھی نہیں رہا

پڑا ہے خود سے واسطہ اور اس کے بعد

کسی کا اعتبار بھی نہیں رہا

یہ رنج اپنی اصل شکل میں ہے دوست

کہ میں اسے سنوار بھی نہیں رہا

یہ وقت بھی گزر نہیں رہا ہے اور

میں خود اسے گزار بھی نہیں رہا

wo gul wo khwabshar bhi nahin raha

so dil ye khaksar bhi nahin raha

ye dil to us ke nam ka parao hai

jahan wo ek bar bhi nahin raha

para hai khud se wasta aur is ke baad

kisi ka etibar bhi nahin raha

ye ranj apni asl shakl mein hai dost

ke main use sanwar bhi nahin raha

ye waqt bhi guzar nahin raha hai aur

main khud use guzar bhi nahin raha