تجھے ہے پیار تو یوں کرکے چل دکھا مجھ کو

تجھے ہے پیار تو یوں کرکے چل دکھا مجھ کو

سبھی کے سامنے اپنے گلے لگا مجھ کو

میں جانتا ہوں کہ تو اک دہکتا شعلہ ہے

تری تپش میں اگر دم ہے تو جلا مجھ کو

ہر اک نظر کو پتا ہے میں ایک پتھر ہوں

ہر ایک دل نے بنا رکھا ہے خدا مجھ کو

تری زباں پہ ہے انکار آج بھی لیکن

کچھ اور کہتی لگی ہے تری ادا مجھ کو

نہ اب رہا ہے کوئی شوق بننے ٹھننے کا

نہ اپنی اور بلاتا ہے آئینہ مجھ کو

کہیں ندی کہیں دریا کہیں سمندر ہوں

یہ نام دیتا ہے پانی کا سلسلہ مجھ کو

انہیں ہے شوق اگر آزمانے کا الفتؔ

غرور اپنی وفا پر بھی ہے بڑا مجھ کو

tujhe hai pyar to yun karke chal dikha mujh ko

sabhi ke samne apne gale laga mujh ko

main janta hun ke tu ik dahakta shola hai

tiri tapish mein agar dam hai to jala mujh ko

har ik nazar ko pata hai main ek patthar hun

har ek dil ne bana rakha hai khuda mujh ko

tiri zaban pe hai inkar aj bhi lekin

kuchh aur kahti lagi hai tiri ada mujh ko

na ab raha hai koi shauq banne thanne ka

na apni aur bulata hai aina mujh ko

kahin nadi kahin dariya kahin samundar hun

ye nam deta hai pani ka silsila mujh ko

unhen hai shauq agar azmane ka ulfat

ghurur apni wafa par bhi hai bara mujh ko