چپ ہوں سب جانتا مگر ہوں میں

چپ ہوں سب جانتا مگر ہوں میں

یہ نہ سمجھو کہ بے خبر ہوں میں

یوں تو کہنے کو اک شجر ہوں میں

لیکن افسوس بے ثمر ہوں میں

کوئی اپنا ہے میری کمزوری

ورنہ سچی بڑا نڈر ہوں میں

آج بے فکر ہو کے سو جاؤ

میرے گھر والو آج گھر ہوں میں

ذہن میں لائنیں ہیں سڑکیں ہیں

اب تو لگتا ہے خود سفر ہوں میں

ہر طرف خوشبوؤں سے بھر دوں گا

موسم گل کا منتظر ہوں میں

مجھ پہ چل کر تو دیکھیے الفتؔ

مخملی گھاس کی ڈگر ہوں میں

chup hun sab janta magar hun main

ye na samjho ke be khabar hun main

yun to kahne ko ik shajar hun main

lekin afsos be samar hun main

koi apna hai meri kamzori

warna sachchi bara nidar hun main

aj be fikr ho ke so jao

mere ghar walo aj ghar hun main

zehn mein lainen hain sarken hain

ab to lagta hai khud safar hun main

har taraf khushbuon se bhar dunga

mausam-e-gul ka muntazir hun main

mujh pe chal kar to dekhiye ulfat

makhmali ghas ki dagar hun main