Arooz is now on the App Store, for iPhone and iPad. Download →

All poetry

چراغ لے کے ہتھیلی پہ چل سکو گے کیا

Raakesh ulfat (b. 1961)

چراغ لے کے ہتھیلی پہ چل سکو گے کیا

گھنا اندھیرا ہے باہر نکل سکو گے کیا

نظام بکھرا ہوا ہے عوام بے کل ہے

بنی ہوئی ہے جو صورت بدل سکو گے کیا

تمہارے اپنے لگے ہیں تمہیں گرانے میں

زمیں پہ تیل لگا ہے سنبھل سکو گے کیا

جھکے سروں سے یہ لگتا ہے بے بسی ہے کوئی

تم ایسی ہاں کو نہیں میں بدل سکو گے کیا

تمہیں یہ ناز ہے الفتؔ تم اچھے انساں ہو

مگر یہ آگ پرائی ہے جل سکو گے کیا