وقت جب طے ہے تو پھر غم کیسا

وقت جب طے ہے تو پھر غم کیسا

آپ زندہ ہیں تو ماتم کیسا

گرم و سرد ایک ہی رت جیسے ہیں

اب ہمارے لئے موسم کیسا

آپ کو دیکھ کے یہ جانا ہے

خواب لگتا ہے مجسم کیسا

آسمانوں پہ کمندیں ڈالو

ٹھان لی جائے تو جوکھم کیسا

کوششیں چھوڑ دے اے چارہ گر

زخم ناسور ہے مرہم کیسا

waqt jab tai hai to phir gham kaisa

ap zinda hain to matam kaisa

garm-o-sard ek hi rut jaise hain

ab hamare liye mausam kaisa

ap ko dekh ke ye jana hai

khwab lagta hai mujassam kaisa

asmanon pe kamanden dalo

than li jae to jokham kaisa

koshishen chhor de ai chara gar

zakhm nasur hai marham kaisa