کسے خیال تھا ایسی بھی ساعتیں ہوں گی

کسے خیال تھا ایسی بھی ساعتیں ہوں گی

کہ میرے نام سے بھی تجھ کو وحشتیں ہوں گی

سزائے مرگ کی صورت وصال گزرا تھا

بچھڑ گئے ہیں تو کیا کیا قیامتیں ہوں گی

جدائیوں میں زمانے نے کیا سلوک کیا

کبھی دوبارہ ملے تو حکایتیں ہوں گی

خوشا کہ اپنی وفا فاصلوں کی نذر ہوئی

ہمارے بعد زمیں پر رفاقتیں ہوں گی

اجڑ گیا ہوں مگر حوصلے سلامت ہیں

کہ ایک دن تجھے شاید ندامتیں ہوں گی

kise khayal tha aisi bhi saaten hongi

ke mere nam se bhi tujh ko wahshaten hongi

saza-e-marg ki surat wisal guzra tha

bichhar gae hain to kya kya qayamaten hongi

judaiyon mein zamane ne kya suluk kiya

kabhi dobara mile to hikayaten hongi

khusha ke apni wafa faslon ki nazr hui

hamare baad zamin par rifaqaten hongi

ujar gaya hun magar hausle salamat hain

ke ek din tujhe shayad nadamaten hongi