اثر ہوتا نہیں ہے پتھروں پر

اثر ہوتا نہیں ہے پتھروں پر

ہمیں بھی ناز ہے اپنے سروں پر

میں ہلتی شاخ سے ڈرتا نہیں ہوں

بھروسا ہے مجھے اپنے پروں پر

دعائیں مانگتی رہتی ہیں ندیاں

امڈ آتے ہیں بادل ساگروں پر

مجھے ان بستیوں کی آرزو ہے

جہاں تالے نہیں ملتے گھروں پر

قلم کمزور پڑتا جا رہا ہے

سیاست چھا رہی ہے شاعروں پر

لڑے دونوں تھے ہندو اور مسلم

مگر کس کا لہو تھا خنجروں پر

اگر خود پر بھروسا ہے تو الفتؔ

ابھر آتے ہیں چہرے پتھروں پر

asar hota nahin hai pattharon par

hamen bhi naz hai apne saron par

main hilti shakh se darta nahin hun

bharosa hai mujhe apne paron par

duaen mangti rahti hain nadiyan

umad ate hain badal sagaron par

mujhe in bastiyon ki arzu hai

jahan tale nahin milte gharon par

qalam kamzor parta ja raha hai

siyasat chha rahi hai shayaron par

lare donon the hindu aur musallam

magar kis ka lahu tha khanjaron par

agar khud par bharosa hai to ulfat

ubhar ate hain chehre pattharon par