جو سایہ سا منور تھا مرے ساجن کا تھوڑا تھا

جو سایہ سا منور تھا مرے ساجن کا تھوڑا تھا

مقدر یوں ابھی روشن مرے آنگن کا تھوڑا تھا

وہ میرا کچھ نہیں تھا پھر بھی مجھ کو یاد آتا ہے

ہمارے بیچ کا ناتا کسی بندھن کا تھوڑا تھا

اندھیرے میں تو شمشیریں ہی دیکھی جا سکیں لیکن

اجالے میں جو دیکھا تھا لہو دشمن کا تھوڑا تھا

تمہاری لکڑیاں پوری طرح سوکھی نہیں ہوں گی

اب ان کے جل نہ پانے میں قصور ایندھن کا تھوڑا تھا

جوانی کا تھا کچھ حصہ بڑھاپے کی بتاؤں کیا

میری بے تابیوں کا سلسلہ بچپن کا تھوڑا تھا

jo saya sa munawwar tha mire sajan ka thora tha

muqaddar yun abhi raushan mire angan ka thora tha

wo mera kuchh nahin tha phir bhi mujh ko yad ata hai

hamare bich ka nata kisi bandhan ka thora tha

andhere mein to shamshiren hi dekhi ja saken lekin

ujale mein jo dekha tha lahu dushman ka thora tha

tumhari lakriyan puri tarah sukhi nahin hongi

ab un ke jal na pane mein qusur indhan ka thora tha

jawani ka tha kuchh hissa burhape ki bataun kya

meri be tabiyon ka silsila bachpan ka thora tha