جب جب انا کے ہاتھ میں پتوار آ گئی

جب جب انا کے ہاتھ میں پتوار آ گئی

کشتی ڈبونے والی کوئی دھار آ گئی

چہروں پہ اک عجیب سی لشکار آ گئی

جیسے ہی ایک ہاتھ میں اخبار آ گئی

جھگڑا تو احمقوں میں ہوا تھا مگر یہ کیا

دانشوروں کے درمیاں دیوار آ گئی

کچھ ذمے داریوں سے مرا ڈھیلا پن گیا

کچھ اپنے آپ گرمئ رفتار آ گئی

نفرت کا ایک نعرہ لگا تھا ہجوم میں

پھر ہر کسی کے ہاتھ میں تلوار آ گئی

مر تو نہیں گیا ہے کہیں آپ کا ضمیر

کیسے کسی کے پاؤں پہ دستار آ گئی

پہلے ہمارا بولنا کیسا تھا چھوڑیئے

اردو زبان سیکھ لی گفتار آ گئی

jab jab ana ke hath mein patwar a gai

kashti dubone wali koi dhar a gai

chehron pe ik ajib si lashkar a gai

jaise hi ek hath mein akhbar a gai

jhagra to ahmaqon mein hua tha magar ye kya

danishwaron ke darmiyan diwar a gai

kuchh zimme dariyon se mira dhila pan gaya

kuchh apne ap garmi-e-raftar a gai

nafrat ka ek naara laga tha hujum mein

phir har kisi ke hath mein talwar a gai

mar to nahin gaya hai kahin ap ka zamir

kaise kisi ke paon pe dastar a gai

pahle hamara bolna kaisa tha chhoriye

urdu zaban-e-sikh li guftar a gai