جو قصہ گو نے سنایا وہی سنا گیا ہے

جو قصہ گو نے سنایا وہی سنا گیا ہے

اگر تھا اس سے سوا تو نہیں کہا گیا ہے

مسافرت کا ہنر ہے نہ واپسی کی خبر

سو چل رہا ہوں جدھر بھی یہ راستا گیا ہے

اماں کو نیل میسر نہ میں کوئی موسیٰ

مجھے سپرد فراعین کر دیا گیا ہے

سبب نہیں تھا زمیں پر اتارنے کا مجھے

سبب بغیر ہی واپس اٹھا لیا گیا ہے

یہ منتہا ہے مری نارسائی کا شاید

جو دور حد نظر سے پرے خلا گیا ہے

مہک اٹھے ہیں مرے باغ کے خس و خاشاک

کوئی ٹہلتا ہوا صورت صبا گیا ہے

jo qissa go ne sunaya wahi suna gaya hai

agar tha us se siwa to nahin kaha gaya hai

masafrat ka hunar hai na wapsi ki khabar

so chal raha hun jidhar bhi ye rasta gaya hai

aman ko nil muyassar na main koi musa

mujhe supurd farain kar diya gaya hai

sabab nahin tha zamin par utarne ka mujhe

sabab baghair hi wapas utha liya gaya hai

ye muntaha hai miri narasai ka shayad

jo dur had-e-nazar se pare khala gaya hai

mahak uthe hain mire bagh ke khas-o-khashak

koi tahalta hua surat-e-saba gaya hai