گلی سے اپنی اٹھاتا ہے وہ بہانے سے

گلی سے اپنی اٹھاتا ہے وہ بہانے سے

میں بے خبر رہوں دنیا کے آنے جانے سے

کبھی کبھی تو غنیمت ہے یاد رفتہ کی

بٹھا نہ روز لگا کے اسے سرہانے سے

عجیب شخص تھا میں بھی بھلا نہیں پایا

کیا نہ اس نے بھی انکار یاد آنے سے

اٹھا رکھی ہے کسی نے کمان سورج کی

گرا رہا ہے مرے رات دن نشانے سے

کوئی سبب تو ہے ایسا کہ ایک عمر سے ہیں

زمانہ مجھ سے خفا اور میں زمانے سے

gali se apni uthata hai wo bahane se

main be khabar rahun duniya ke ane jane se

kabhi kabhi to ghanimat hai yad rafta ki

bitha na roz laga ke use sirhane se

ajib shakhs tha main bhi bhala nahin paya

kiya na us ne bhi inkar yad ane se

utha rakhi hai kisi ne kaman suraj ki

gira raha hai mire rat din nishane se

koi sabab to hai aisa ke ek umr se hain

zamana mujh se khafa aur main zamane se