در کھول کے دیکھوں ذرا ادراک سے باہر

در کھول کے دیکھوں ذرا ادراک سے باہر

یہ شور سا کیسا ہے مری خاک سے باہر

روداد گزشتہ تو سنی کوزہ گری کی

فردا کا بھی کر ذکر جو ہے چاک سے باہر

خوش آیا عجب عشق کو یہ جامۂ زیبا

نکلا نہیں پھر ہجر کی پوشاک سے باہر

چاہا تھا مفر دل نے مگر زلف گرہ گیر

پیچاک بناتی رہی پیچاک سے باہر

آتا نہیں کچھ یاد کہ اے ساعت نسیاں

کیا رکھا ترے طاق پہ کیا طاق سے باہر

سنتا ہوں کہیں دور سے نقارا صبا کا

اتری ہے بہار اب کے بھی خاشاک سے باہر

کچھ دیر ٹھہر اور ذرا دیکھ تماشا

ناپید ہیں یہ رونقیں اس خاک سے باہر

موجود خلا میں ہیں اگر اور زمینیں

افلاک بھی ہوں گے کہیں افلاک سے باہر

dar khol ke dekhun zara idrak se bahar

ye shor sa kaisa hai miri khak se bahar

rudad guzishta to suni kuza giri ki

farda ka bhi kar zikr jo hai chak se bahar

khush aya ajab ishq ko ye jama-e-zeba

nikla nahin phir hijr ki poshak se bahar

chaha tha mafar dil ne magar zulf-e-girah gir

pechak banati rahi pechak se bahar

ata nahin kuchh yad ke ai saat nasiyan

kya rakha tire taq pe kya taq se bahar

sunta hun kahin dur se naqara saba ka

utri hai bahar ab ke bhi khashak se bahar

kuchh der-e-thahar aur zara dekh tamasha

napaid hain ye raunaqen is khak se bahar

maujud khala mein hain agar aur zaminen

aflak bhi honge kahin aflak se bahar