مٹنے کا جنوں لٹنے کا ارماں نظر آیا

مٹنے کا جنوں لٹنے کا ارماں نظر آیا

آپ آئے تو کچھ جینے کا ساماں نظر آیا

سوچا تھا مرے ہاتھ میں دامن ہے تمہارا

دیکھا تو خود اپنا ہی گریباں نظر آیا

دیکھا جو کبھی غور سے اس جان وفا کو

معصوم نگاہوں میں بھی طوفاں نظر آیا

اس دور میں جینے کا کیا جب بھی ارادہ

اس وقت مجھے مرنا ہی آساں نظر آیا

اس وقت کہ جب بھوک سے مرنے لگی دنیا

ہندو نظر آیا نہ مسلماں نظر آیا

mitne ka junun lutne ka arman nazar aya

ap ae to kuchh jine ka saman nazar aya

socha tha mire hath mein daman hai tumhara

dekha to khud apna hi gareban nazar aya

dekha jo kabhi ghaur se us jan-e-wafa ko

maasum nigahon mein bhi tufan nazar aya

is daur mein jine ka kiya jab bhi irada

is waqt mujhe marna hi asan nazar aya

is waqt ke jab bhuk se marne lagi duniya

hindu nazar aya na musalman nazar aya