حیراں ہیں سارے آئینے ماضی و حال کے

حیراں ہیں سارے آئینے ماضی و حال کے

جلوے بکھر گئے ہیں یہ کس خوش جمال کے

اس بد گماں کی ہوں گی نہ کم بدگمانیاں

ہم چاہے رکھ دیں اپنا کلیجہ نکال کے

دنیا سے بے نیاز ہوں خود سے بھی بے خبر

کیا کیا کرم ہیں مجھ پہ غم لا زوال کے

للہ دل کی بات پہ پردہ نہ ڈالیے

اسباب کچھ تو ہوں گے ضرور اس ملال کے

ان کی تلاش میں میں وہاں تک نکل گیا

کٹتے ہیں پر جس اوج پہ وہم و خیال کے

hairan hain sare aine mazi-o-hal ke

jalwe bikhar gae hain ye kis khush jamal ke

is bad guman ki hongi na kam badgumaniyan

ham chahe rakh den apna kaleja nikal ke

duniya se be niyaz hun khud se bhi be khabar

kya kya karam hain mujh pe gham-e-la zawal ke

lillah dil ki bat pe parda na daliye

asbab kuchh to honge zarur is malal ke

un ki talash mein main wahan tak nikal gaya

katte hain par jis auj pe wahm-o-khayal ke