گیا وہ دور تو خوابوں کے سلسلے بھی گئے

گیا وہ دور تو خوابوں کے سلسلے بھی گئے

دل و نگاہ کے پر کیف حوصلے بھی گئے

وہی گئے تو پھر اب شکوہ و شکایت کیا

شکایتیں گئیں شکوے گئے گلے بھی گئے

بکھر کے رہ گئی تصویر آرزوؤں کی

امید و آس و تمنا کے قافلے بھی گئے

یہی نہیں کہ بہت سی لطافتیں روٹھیں

ادا و ناز کے رنگین مرحلے بھی گئے

بجھے بجھے سے ہیں آشاؤں کے کنول قادر

خروش زیست گیا دل کے ولولے بھی گئے

gaya wo dur to khwabon ke silsile bhi gae

dil-o-nigah ke pur kaif hausle bhi gae

wahi gae to phir ab shikwa-o-shikayat kya

shikayaten gain shikwe gae gale bhi gae

bikhar ke rah gai taswir arzuon ki

ummid-o-as-o-tamanna ke qafile bhi gae

yahi nahin ke bahut si latafaten ruthen

ada-o-naz ke rangin marhale bhi gae

bujhe bujhe se hain ashaon ke kanwal qadir

kharosh zist gaya dil ke walwale bhi gae