سایہ نہیں ہے دور تک سائے میں آئیں کس طرح

سایہ نہیں ہے دور تک سائے میں آئیں کس طرح

ہم آ گئے ہیں کس طرف تم کو بتائیں کس طرح

یہ پھول پتے چاندنی یہ صورتیں من موہنی

ایسے میں اپنی جانکنی ان سے چھپائیں کس طرح

عالم بہاراں کا سہی منظر گلستاں کا سہی

بستی بیاباں کی سہی دامن بچائیں کس طرح

جس پھول کی ہر پنکھڑی ہوتی ہے موتی کی لڑی

اس پھول کی خاطر کبھی آنسو بہائیں کس طرح

saya nahin hai dur tak sae mein aen kis tarah

ham a gae hain kis taraf tum ko bataen kis tarah

ye phul patte chandni ye suraten man mohni

aise main apni jankini un se chhupaen kis tarah

alam baharan ka sahi manzar gulistan ka sahi

basti bayaban ki sahi daman bachaen kis tarah

jis phul ki har pankhuri hoti hai moti ki lari

us phul ki khatir kabhi ansu bahaen kis tarah