اب بھلا چھوڑ کے گھر کیا کرتے

اب بھلا چھوڑ کے گھر کیا کرتے

شام کے وقت سفر کیا کرتے

تیری مصروفیتیں جانتے ہیں

اپنے آنے کی خبر کیا کرتے

جب ستارے ہی نہیں مل پائے

لے کے ہم شمس و قمر کیا کرتے

وہ مسافر ہی کھلی دھوپ کا تھا

سائے پھیلا کے شجر کیا کرتے

خاک ہی اول و آخر ٹھہری

کر کے ذرے کو گہر کیا کرتے

رائے پہلے سے بنا لی تو نے

دل میں اب ہم ترے گھر کیا کرتے

عشق نے سارے سلیقے بخشے

حسن سے کسب ہنر کیا کرتے

ab bhala chhor ke ghar kya karte

sham ke waqt-e-safar kya karte

teri masrufitin jante hain

apne ane ki khabar kya karte

jab sitare hi nahin mil pae

le ke ham shams-o-qamar kya karte

wo musafir hi khuli dhup ka tha

sae phaila ke shajar kya karte

khak hi awwal-o-akhir thahri

kar ke zarre ko guhar kya karte

rae pahle se bana li tu ne

dil mein ab ham tire ghar kya karte

ishq ne sare saliqe bakhshe

husn se kasb-e-hunar kya karte