ابھی تمام آئنوں میں ذرہ ذرہ آب ہے

ابھی تمام آئنوں میں ذرہ ذرہ آب ہے

یہ کس نے تم سے کہہ دیا کہ زندگی خراب ہے

نہ جانے آج ہم پہ پیاس کا یہ کیسا قہر ہے

کہ جس طرف بھی دیکھیے سراب ہی سراب ہے

ہر ایک راہ میں مٹے مۓ نقوش آرزو

ہر اک طرف تھکی تھکی سی رہ گزار خواب ہے

کبھی نہ دل کے ساگروں میں تم اتر سکے مگر

مرے لیے مرا وجود اک کھلی کتاب ہے

ہر ایک سمت ریت ریت پر ہوا کے نقش ہیں

یہاں تو دشت دشت میں ہواؤں کا عذاب ہے

abhi tamam ainon mein zarra zarra ab hai

ye kis ne tum se kah diya ke zindagi kharab hai

na jane aj ham pe pyas ka ye kaisa qahr hai

ke jis taraf bhi dekhiye sarab hi sarab hai

har ek rah mein mite mai-e-nuqush-e-arzu

har ik taraf thaki thaki si rah guzar khwab hai

kabhi na dil ke sagaron mein tum utar sake magar

mire liye mira wajud ik khuli kitab hai

har ek samt ret ret par hawa ke naqsh hain

yahan to dasht dasht mein hawaon ka azab hai