بچھڑا ہے جو اک بار تو ملتے نہیں دیکھا

بچھڑا ہے جو اک بار تو ملتے نہیں دیکھا

اس زخم کو ہم نے کبھی سلتے نہیں دیکھا

اک بار جسے چاٹ گئی دھوپ کی خواہش

پھر شاخ پہ اس پھول کو کھلتے نہیں دیکھا

یک لخت گرا ہے تو جڑیں تک نکل آئیں

جس پیڑ کو آندھی میں بھی ہلتے نہیں دیکھا

کانٹوں میں گھرے پھول کو چوم آئے گی لیکن

تتلی کے پروں کو کبھی چھلتے نہیں دیکھا

کس طرح مری روح ہری کر گیا آخر

وہ زہر جسے جسم میں کھلتے نہیں دیکھا

bichhra hai jo ik bar to milte nahin dekha

is zakhm ko ham ne kabhi silte nahin dekha

ik bar jise chat gai dhup ki khwahish

phir shakh pe us phul ko khulte nahin dekha

yak lakht gira hai to juren tak nikal aen

jis per ko andhi mein bhi hilte nahin dekha

kanton mein ghire phul ko chum aegi lekin

titli ke paron ko kabhi chhilte nahin dekha

kis tarah miri ruh hari kar gaya akhir

wo zahr jise jism mein khulte nahin dekha