ٹوٹی ہے میری نیند مگر تم کو اس سے کیا

ٹوٹی ہے میری نیند مگر تم کو اس سے کیا

بجتے رہیں ہواؤں سے در تم کو اس سے کیا

تم موج موج مثل صبا گھومتے رہو

کٹ جائیں میری سوچ کے پر تم کو اس سے کیا

اوروں کا ہاتھ تھامو انہیں راستہ دکھاؤ

میں بھول جاؤں اپنا ہی گھر تم کو اس سے کیا

ابر گریز پا کو برسنے سے کیا غرض

سیپی میں بن نہ پائے گہر تم کو اس سے کیا

لے جائیں مجھ کو مال غنیمت کے ساتھ عدو

تم نے تو ڈال دی ہے سپر تم کو اس سے کیا

تم نے تو تھک کے دشت میں خیمے لگا لیے

تنہا کٹے کسی کا سفر تم کو اس سے کیا

tuti hai meri nind magar tum ko us se kya

bajte rahen hawaon se dar tum ko us se kya

tum mauj mauj misl-e-saba ghumte raho

kat jaen meri soch ke par tum ko us se kya

auron ka hath thamo unhen rasta dikhao

main bhul jaun apna hi ghar tum ko us se kya

abr-e-gurez pa ko barasne se kya gharaz

sipi mein ban na pae guhar tum ko us se kya

le jaen mujh ko mal-e-ghanimat ke sath adu

tum ne to dal di hai sipar tum ko us se kya

tum ne to thak ke dasht mein kheme laga liye

tanha kate kisi ka safar tum ko us se kya