بہت رویا وہ ہم کو یاد کر کے

بہت رویا وہ ہم کو یاد کر کے

ہماری زندگی برباد کر کے

پلٹ کر پھر یہیں آ جائیں گے ہم

وہ دیکھے تو ہمیں آزاد کر کے

رہائی کی کوئی صورت نہیں ہے

مگر ہاں منت صیاد کر کے

بدن میرا چھوا تھا اس نے لیکن

گیا ہے روح کو آباد کر کے

ہر آمر طول دینا چاہتا ہے

مقرر ظلم کی میعاد کر کے

bahut roya wo ham ko yad kar ke

hamari zindagi barbad kar ke

palat kar phir yahin a jaenge ham

wo dekhe to hamen azad kar ke

rihai ki koi surat nahin hai

magar han minnat-e-sayyad kar ke

badan mera chhua tha us ne lekin

gaya hai ruh ko abad kar ke

har amir tul dena chahta hai

muqarrar zulm ki miad kar ke