ایک سورج تھا کہ تاروں کے گھرانے سے اٹھا

ایک سورج تھا کہ تاروں کے گھرانے سے اٹھا

آنکھ حیران ہے کیا شخص زمانے سے اٹھا

کس سے پوچھوں ترے آقا کا پتہ اے رہوار

یہ علم وہ ہے نہ اب تک کسی شانے سے اٹھا

حلقۂ خواب کو ہی گرد گلو کس ڈالا

دست قاتل کا بھی احساں نہ دوانے سے اٹھا

پھر کوئی عکس شعاعوں سے نہ بننے پایا

کیسا مہتاب مرے آئنہ خانے سے اٹھا

کیا لکھا تھا سر محضر جسے پہچانتے ہی

پاس بیٹھا ہوا ہر دوست بہانے سے اٹھا

ek suraj tha ke taron ke gharane se utha

ankh hairan hai kya shakhs zamane se utha

kis se puchhun tire aqa ka pata ai rahwar

ye alam wo hai na ab tak kisi shane se utha

halqa-e-khwab ko hi gard galo kis dala

dast-e-qatil ka bhi ehsan na diwane se utha

phir koi aks shuaon se na banne paya

kaisa mahtab mire aina khane se utha

kya likha tha sar-e-mahzar jise pahchante hi

pas baitha hua har dost bahane se utha