کس سے ملنے جاؤ اب کس سے ملاقاتیں کرو

کس سے ملنے جاؤ اب کس سے ملاقاتیں کرو

تم اکیلے ہو دل تنہا سے ہی باتیں کرو

پھر یوں ہی مل بیٹھیں ہم اور دکھ بھری باتیں کریں

ہاتھ اٹھا کر یہ دعا مانگو مناجاتیں کرو

سب پرندے اپنے اپنے جنگلوں میں کھو گئے

اب تو ہلتی ڈالیوں سے بیٹھ کر باتیں کرو

اتفاقاً ہم تمہارے سائے سے گزریں کبھی

بادلو تم پیار کے لمحوں کی برساتیں کرو

اب تو جیسے اس عمارت کو بھی چپ سی لگ گئی

کھڑکیو دروازو چہکو گاؤ کچھ باتیں کرو

kis se milne jao ab kis se mulaqaten karo

tum akele ho dil-e-tanha se hi baten karo

phir yun hi mil baithen ham aur dukh bhari baten karen

hath utha kar ye dua mango munajaten karo

sab parinde apne apne jangalon mein kho gae

ab to hilti daliyon se baith kar baten karo

ittifaqan ham tumhare sae se guzren kabhi

badalo tum pyar ke lamhon ki barsaten karo

ab to jaise is imarat ko bhi chup si lag gai

kharakiyo daroazo chahko gao kuchh baten karo