وقت رخصت آ گیا دل پھر بھی گھبرایا نہیں

وقت رخصت آ گیا دل پھر بھی گھبرایا نہیں

اس کو ہم کیا کھوئیں گے جس کو کبھی پایا نہیں

زندگی جتنی بھی ہے اب مستقل صحرا میں ہے

اور اس صحرا میں تیرا دور تک سایا نہیں

میری قسمت میں فقط درد تہہ ساغر ہی ہے

اول شب جام میری سمت وہ لایا نہیں

تیری آنکھوں کا بھی کچھ ہلکا گلابی رنگ تھا

ذہن نے میرے بھی اب کے دل کو سمجھایا نہیں

کان بھی خالی ہیں میرے اور دونوں ہاتھ بھی

اب کے فصل گل نے مجھ کو پھول پہنایا نہیں

waqt-e-rukhsat a gaya dil phir bhi ghabraya nahin

us ko ham kya khoenge jis ko kabhi paya nahin

zindagi jitni bhi hai ab mustaqil sahra mein hai

aur is sahra mein tera dur tak saya nahin

meri qismat mein faqat dard-e-tah-e-saghar hi hai

awwal-e-shab jam meri samt wo laya nahin

teri ankhon ka bhi kuchh halka gulabi rang tha

zehn ne mere bhi ab ke dil ko samjhaya nahin

kan bhi khali hain mere aur donon hath bhi

ab ke fasl-e-gul ne mujh ko phul pahnaya nahin