تیرے دامن کی تھی یا مست ہوا کس کی تھی

تیرے دامن کی تھی یا مست ہوا کس کی تھی

ساتھ میرے چلی آئی وہ صدا کس کی تھی

کون مجرم ہے کہ دوری ہے وہی پہلی سی

پاس آ کر چلے جانے کی ادا کس کی تھی

دل تو سلگا تھا مگر آنکھوں میں آنسو کیوں آئے

مل گئی کس کو سزا اور خطا کس کی تھی

شام آتے ہی اتر آئے مرے گاؤں میں رنگ

جس کے یہ رنگ تھے جانے وہ قبا کس کی تھی

یہ مرا دل ہے کہ آنکھیں کہ ستاروں کی طرح

جلنے بجھنے کی سحر تک یہ ادا کس کی تھی

چاندنی رات گھنے نیم تلے کوئی نہ تھا

پھر فضاؤں میں وہ خوشبوئے حنا کس کی تھی

tere daman ki thi ya mast hua kis ki thi

sath mere chali ai wo sada kis ki thi

kaun mujrim hai ke duri hai wahi pahli si

pas a kar chale jane ki ada kis ki thi

dil to sulga tha magar ankhon mein ansu kyun ae

mil gai kis ko saza aur khata kis ki thi

sham ate hi utar ae mire gaon mein rang

jis ke ye rang the jane wo qaba kis ki thi

ye mira dil hai ke ankhen ke sitaron ki tarah

jalne bujhne ki sahar tak ye ada kis ki thi

chandni rat ghane nim tale koi na tha

phir fazaon mein wo khushbu-e-hina kis ki thi